Чија поддршка „виси“ за уставните измени?
Објавено во: Македонија 10 Јануари, 2019
Осумтемина пратеници на опозицијата кои гласаа за отворање на Уставот, се против барањата на БЕСА. Велат дека не треба да се менува она што е Договорено со Грција, односно дека треба да остане државјанството „македонско/граѓанин на Република Северна Македонија“.
Доколку се прифати барањето на БЕСА, да се избрише „македонско“, тие најверојатно ќе се повлечат и нема да ги поддржат уставните измени.
Премиерот Зоран Заев на денешната прес-конференција во Владата рече дека според негово сознание пратеникот Панчо Минов, од ГРОМ, ќе гласа за уставните измени.„Пратеникот Панчо Минов ќе гласа, но работеше на амандманите. Вграден е на три-четири пати во амандманите со неговата креативност во предлозите и тоа ќе биде составен дел во новиот Устав доколку се изгласаат ваквите уставни амандмани и уставниот закон„ изјави Заев.
Договор засега нема со БЕСА. Попладнево ќе се одржи седница во Собрание за уставни измени. Процесот влегува во финална фаза.