Чолош: Крајно време е да се донесе одлуката за почеток на преговори со Северна Македонија

Добивај вести на Viber

Крајно време е да се донесе одлуката за започнување на пристапните преговори со Северна Македонија. Новата методологија го поедноставува и го прави процесот потранспарентен, не покомплексен. Граѓаните на земјите кандидати како и граѓаните на ЕУ, треба да го почувствуваат благодетот од проширувањето побрзо и поконкретно и мислам дека новата методологија успеа да го стори тоа, вели во интервју за МИА Дачијан Чолош, лидер на политичката група Обнова на Европа во Европскиот Парламент. 

Групата Обнови ја Европа беше во првите редови во размислувањето за ревидирање на методологијата на преговорите за пристапување во ЕУ. Целта беше да се добие поголем политички пристап. Сакавме преговорите да престанат да бидат само прилагодување кон законодавството на ЕУ. Преговорите е потребно да бидат отворени кон граѓаните и граѓанското општество. Покрај тоа, граѓаните на земјите кандидати како и граѓаните на ЕУ, треба да го почувствуваат благодетот од проширувањето побрзо и поконкретно. И мислам дека новата методологија успеа да го стори тоа и тоа го поедноставува и го прави процесот потранспарентен, не покомплексен. На пример, и ова е важна предност на новата методологија, земјите кандидати на ЕУ ќе имаат можности да пристапат во областите на политиката на ЕУ дури и пред официјалниот датум за влез во ЕУ. Ве уверам дека Европскиот парламент, а особено мојата група Обнова на Европа, ќе посветиме големо внимание на тоа како Комисијата всушност ќе ја спроведе методологијата штом ќе биде усвоена, вели Чолош. Според него, земјава направи многу важен напредок во последните месеци, вклучувајќи го и законот за јавно обвинителство кој неодамна беше донесен и е подготвена за почеток на преговори за членство.