ЦИА и Југославија трагале по ураниум во Злетово за атомска бомба
Објавено во: Македонија 27 Декември, 2021
Југославија заедно со ЦИА барале ураниум во Злетово за да создадат атомска бомба.
Oва го тврди научна студија на ЦИА од декември 1975 година. Професорот Филип Ковачевиќ имал можност да види дадени осум тајни документи.
Во документите пишувало дека Југославија веднаш по Втората светска војна воспоставила соработка со САД за развој на атомската програма и почнала да испраќа студенти на специјализација на американските универзитети.
„По повеќе од година и пол, во октомври 2017 година добив осум документи на вкупно 84 страници. Документите опфаќаат период од триесет години, од 1957 до 1986 година, во различни формати, од кратки извештаи до научни студии и сите носеа белег на висока тајност“, вели професорот.
Југославија во 1952 година во соработка со научниците од Американското геолошко друштво извршила истражување на целата своја територија и утврдила дека има наоѓалишта на цврст ураниум во Словенија (Идрија) и Македонија (Злетово).