Ципрас вели сакаат име кое ќе издржи низ времето
Објавено во: Балкан 29 Март, 2018
Грчкиот премиер Алексис Ципрас се надева дека за решавање на спорот за името одѕив ќе има и од Македонија, за која прашањето, според него, е од егзистенцијално значење.
Ципрас на регионална конференција за продуктивна реконструкција кажа дека посакува Македонија да го сфати тоа и да има сила да преземе тешки одлуки.
Грчкиот премиер истакна дека сакаат решение кое ќе издржи низ времето и затоа како предуслов се бара промена на Уставот на Македонија.
Вели дека се преговара за да се постигне решение кое ја гарантира грчката историја и нејзиното културно наследство, а во исто време ќе исклучува секаков вид на иредентизам од другата страна.