Да се воведат „климатски пасоши“ - што тоа ќе значи?
Објавено во: Свет 13 Декември, 2018
Ханс Јоахим Шелнхубер, основачот на Потсдамскиот институт за истражување на влијанието на климатските промени предложи да се воведат „климатски пасоши“.
Нив би ги поседувале луѓе кои се принудени да ги напуштат своие домови поради глобалното затоплување.
Предлогот на Шелнхубер, направен на маргините на конференцијата на ОН за климата во Катовице, Полска, веројатно ќе наиде на отпор од страна на богатите држави, кои се плашат од можноста милиони бегалци да се упатат кон нив во следните декади.
Шелнхубер денеска изјави дека тие пасоши можат да се изработат врз основа на слични сертификати кои се издавани на бегалци од граѓанската војна во Русија во 20-тите години од минатиот век.
Спомнатите „Нансен пасоши“ (по името на норвешкиот поларен истражувач, дипломат и публицист Фритјоф Нансен) подоцна опфатија и други луѓе кои се претворија во апатриди (лица без државјанство) откако го загубиле своето државјанство. Со овие пасоши, стотици илјади луѓе најдоа засолниште на нови места ширум светот.