ДАЛЕКУ Е КРАЈОТ НА ПАНДЕМИЈАТА ТВРДИ СЗО: Во Европа вкупниот број на заразени од почетокот досега е 60 милиони, 1,2 милиони луѓе починаа

Добивај вести на Viber

Досега, 60% од возрасната популација е целосно вакцинирана во Европската Унија, објави денеска претседателката на Европската Комисија, Урсула фон дер Лајен.

Таа нагласи дека целосната вакцинација штити од ковид -19 и варијантите на овој вирус, и уште еднаш ги повика сите граѓани на ЕУ да се вакцинираат.

- Мораме да бидеме внимателни, за да ги заштити другите - објави Фон дер Лајен на Твитер.

Европската комисија забележува дека целта е 70 проценти од возрасната популација во ЕУ да ги добијат сите препорачани дози на вакцината против корона вирусот.

Досега, над 70 проценти од возрасните во ЕУ примиле барем една доза од вакцината.

Комисијата, исто така, укажува на препораката на Европската агенција за лекови (ЕМА) дека примањето на сите препорачани дози на вакцината е најдобриот начин за борба против вирусот и неговите варијанти.

Вкупниот број случаи на ковид -19 во Европа од почетокот на пандемијата достигна 60 милиони, додека 1,2 милиони луѓе починаа, објави денеска СЗО, предупредувајќи дека „крајот на пандемијата се уште не е на повидок“.