НА 15 КИЛОМЕТРИ ОД РАФА: „Никнува“ нов град во Египет
Објавено во: Свет 07 Мај, 2024
На само 15 километри од Рафа каде се водат борби, на египетска територија ќе „никне“ нов град.
Египетскиот бизнисмен и водач на синајската милиција Ибрахим ал-Органи најави изградба на нов град. Тој ќе биде на само 15 километри од палестинскиот град Рафа, кој претставува последно засолниште на Палестинците во Газа.
Органи е сопственик и на градежната компанија „Синовите на Синај“, која е главен изведувач за Египет кога станува збор за проекти кои се однесуваат на Синајскиот Полуостров.
Органи го претстави проектот пред бројни јавни личности и политичари, а претседателот Абдел Фатах ел-Сиси е прогласен за почесен претседател на групата, пренесува Кликс.
„Први што ќе добијат станови во овој град ќе бидат семејствата на паднатите борци во борбата против тероризмот“, рече Органи.
Тој додаде дека градот ќе го носи името на претседателот на Египет – Сиси Сити.
Сопственикот на групата Органи е под лупа на властите од почетокот на војната во Газа поради преголемите давачки што неговите компании ги наплаќаат на Палестинците кои бегаат во Египет.
Како што објави Middle East Eye, една од неговите компании заработила најмалку 118 милиони долари од палестински бегалци во последните три месеци.
foto freepik.com/natanaelginting