Дали Ципрас е опасен за Грција или за Македонија?
Објавено во: Балкан 08 Февруари, 2018
Претседателот на најголемата грчка опозициска партија Нова Демократија, Кирјакос Мицотакис вели дека премиерот Алексис Ципрас и неговите соучесници ја водат земјата низ многу опасни патишта.
Мицотакис вели дека Владата се обидува да го одвлече вниманието на јавноста од тешките мерки за штедење кои Ципрас веќе ги прифатил во рамките на четвртиот меморандум.
„Како и отстапките за прашања од национален интерес, особено начинот на кој спорот со Скопје е неприфатлив за повеќето Грци. Тој се обидува да се спаси со тоа што прави нешто што може да го направи добро. Тој ги омаловажува своите политички противници и тоа го прави со поделба меѓу граѓаните. Тоа тој го прави со нечуени интриги кои го поткопуваат владеењето на правото“- рече Мицотакис.
Тој бараше итно појаснување на случајот Новартис. Според него, сè треба да излезе на виделина. Мицотакис заклучи дека премиерот Ципрас докажал дека е опасен не само за грчката економија и националниот интерес, но и за националната демократија и независноста на институциите.
Ципрас за разлика од грчките политичари кои се во опозиција има поумерени ставови во однос на Македонија.Тој неодамна во Давос се сретна со македонскиот премиер, Зоран Заев по што соопштија дека автопатот во Македонија ќе се преименува во „Пријателство“.
Заев во една своја изјава кажа дека со Ципрас се родени во иста година и се надева дека спорот за името меѓу двете земји ќе биде надминат.