Добивај вести на Viber
Хрватска не сака добри и партнерски односи со Србија, туку води политика на уценување и понижување на Србија, вели претседателот на Србите во регионот, Миодраг Линта.
Тој ова го изјави, по соопштението од Министерството за надворешни и европски работи на Хрватска во кое се вели дека го поддржуваат напорот на Србија за приближување кон Европа, но дека за отварање на поглавјето 23 треба да исполни одредени услови, меѓу кои е почитување на човекови права, посебно на малцинствата, соработка со Хаг и реформи во правосудството. Линта соопштението го нарече перфидно.
„Дрскост е Хрватска да бара од Србија почитување на малцински права, а Србите во Хрватска заради дивеење на приврзаниците за усташкото движење, станаа најзагрозено малцинство во Европа, не можат да користат кирилица во јавниот живот и да си го повратат одземениот имот“-вели Линта.
Тој смета дека Хрватска не може да бара Србија да го испорача во Хаг, лидерот на Српската радикална партија, Воислав Шешељ, а оттаму се ослободени хрватските злосторници кои работеле на протерување на Србите.