Дали Исламска држава е целосно поразена во Сирија?
Објавено во: Свет 22 Март, 2019
Организацијата Исламска држава во Сирија е поразена и нема повеќе територии под контрола на екстремисти.
Ова денеска го соопштија од Белата куќа. Портпаролката Сара Сандерс потврди дека целата територија на Сирија е „сто отсто ослободена од терористи“.
Таа на новинарите им покажа мапа на Ирак и Сирија на која се гледа дека терористичката група повеќе не контролира ниту една област во регионот.
Сандерс додаде и дека министерот за одбрана на САД, Патрик Шанахан за ова го известил американскиот претседател, Доналд Трамп.
Снимката која деновиве беше објавена ги прикажува размерите на масовното предавање на џихадистите. На неа се гледа непрегледна колона луѓе во пустината, во искината облека, со лица прекриени со марами, како стојат или седат еден до друг додека чекаат борците што ги заробиле да ги одведат во камповите. Снимката ја објави сирискиот новинар Мохамед Хасан. „Најдолгата колона припадници на ИСИС од различни националности им се предаде на Сириските демократски сили“, напиша тој на Твитер.