Дали Западот поттикнува нова Студена војна?
Објавено во: Свет 04 Април, 2018
Руски безбедносни и одбранбени функционери велат дека Западот поттикнува нова Студена војна.
Рускиот министер за одбрана, Сергеј Шојгу, изјави дека НАТО ја користи „непостоечката руска закана за да си го засили својот воен потенцијал“ и да ги зголеми своите сили во близина на границите со Русија.
Односите помеѓу Русија и Западот паднаа на најниско можно ниво од периодот на Студената војна, откако Русија го анектираше Крим и ги поддржа проруските сепаратисти во источна Украина.
Тензиите ескалираа овој месец, откако поранешниот контрашпион Сергеј Скрипал и неговата ќерка Јулија беа пронајдена без свест во Солсбери на 4 март.
Велика Британија потоа излезе со соопштение дека тие се отруени со нервен отров и за тоа ја обвинија Русија, која ги отфрли сите обвиненија, што понатаму доведе до масовно протерување на дипломати меѓу Западот и Русија.
Директорот на руската Надворешна известувачка служба, Сергеј Наришкин, денеска изјави дека врз основа на акциите кои против Русија ги презема Вашинготон, веќе е возможно да се зборува околу враќање на ерата во Студената војна.
За овој случај Русија има поддршка од 14 држави.Британската делегација во Организацијата за забрана на хемиско оружје го отфрли рускиот предлог за заедничка британско-руска истрага за труењето на Сергеј Скрипал.