Дебелината ќе не убие!
Објавено во: Македонија 11 Октомври, 2017
Загрижувачки податоци откри Институтот за јавно здравје во последната направена анализа за дебелината кај децата при што се бележи раст во однос на статистиките од 2010 година.
Поголем пораст е забележан кај девојчињата. Лани, Институтот за јавно здравје евидентирал дека над 15 проценти од женските деца во државата се дебели што е за два проценти поени повеќе во споредба со анализата направена пред шест години. Кај момчињата разликата е помала. Во 2010 година, 19,5 проценти од нив имале прекумерна телесна тежина, додека лани има зголемување од еден процент.
Следењето на дебелината кај децата се прави по препорака на Светската здравствена организација. Според правилникот на СЗО, се евидентира и бројот на деца со зголемена телесна тежина. Инаку 11 октомври е прогласен за светски ден за борба со дебелината која не е само физичка состојба со килограмите, туку може да биде причинител на повеќе заболувања како дијабетес, срцеви болести, проблеми со мускулите и коските, како и останатите витални органи.
Оваа анализа открива дека момчињата се повеќе склони на дебелеење. Податоците на Институтот за јавно здравје покажуваат дека над 39 проценти од машките деца во државата имаат телесна тежина која е поголема од предвидената за нивната возраст. Неколку килограми повеќе имаат и девојчињата. Близу 33 проценти од женските деца во земјава имаат зголемена телесна тежина.
Инаку проблемот со вишокот килограми го имаат и возрасните, па така 63 проценти од мажите во државата имаат зголемена тежина, а речиси 20 отсто од нив се дебели. Кај женската популација пак од зголемена телесна тежина страдаат 48 проценти, додека евидентирана дебелина има меѓу 17 од жените во државата.
Според лекарите, дебелината и зголемената телесна тежина се најзначајни фактори за појава на срцеви заболувања. Се смета и дека овие луѓе имаат намален квалитет на живот и поголема можност за појава на болести.
Анализата на Институтот за јавно здравје, освен бројки нуди и решенија за проблемот, па апелира до државните и локални власти да обезбедат здрава животна средина и инфраструктура за спортување на младите.
Можеби ќе ве интересира
ГРУЕСКИ ЗА КОВАЧЕВСКИ: „Човекот како тотално да се одлепил од реалноста“
КУЌИТЕ НА ИСЕЛЕНИЦИТЕ СЕ ПРАЗНИ: Соседите и роднините ги одржуваат за надомест или бесплатно
„ОД АВИОН СЕ ГЛЕДА ЗАГАДУВАЊЕТО НА ОХРИДСКОТО ЕЗЕРО“: „Охрид СОС“ со катастрофална фотографија на загадувањето се обидува да го привлече вниманието на надлежните
ВАКВО НЕШТО РЕТКО СЕ ГЛЕДА: Еве како беше пуштено осветлувањето на 63 метарскиот крст во Драчево
ДАЛИ ЗАЕВ ОД ДАЛЕЧИНА САКА ДА МУ ПРЕНЕСЕ НЕКАКВА ПОРАКА НА КОВАЧЕВСКИ - еве што кажа во Америка
МАКСИМ ДИМИТРИЕВСКИ: Засега нема договор за поддршка на некој од претседателските кандидати, за тоа ќе одлучува партиското раководство
Пендаровски: Нашата понуда е единствена која гарантира дека Македонија ќе оди напред
„БИТИЌИ СРАБОТЕ АНТИКРИЗНИ МЕРКИ, БЕКТЕШИ ЗА НАМАЛУВАЊЕ НА ИНФЛАЦИЈАТА, И ГО ИМАШ ГРУБИ КОЈ ИГРА ФУДБАЛ ВО КАНЦЕЛАРИЈА“ - Ковачевски со поостра критика за кадарот на ДУИ
ВИСОК Е 63 И ПОЛ МЕТРИ И Е ВТОР ПО ГОЛЕМИНА КРСТ ВО ДРЖАВАТА - в очи на Велигден осветен крстот во Драчево
