Денарот е и ќе остане стабилен, потврдуваат од меѓународна агенција
Објавено во: Финансии 05 Септември, 2020
Народна банка одамна ги демантира сите можни шпекулации околу курсот на денарот, но сега потврда за неговата стабилност стигнува од реномирана меѓународна незавосна рејтинг агенција, Стандард и Пурс.
Во врска со девизниот курс на денарот во однос на еврото, посочуваат дека според нивните оцени, тој и понатаму ќе остане стабилен. Притоа нагласуваат дека отсуството на краткорочни капитални текови значително ги намалува ризиците за македонската економија. Воедно, меѓу другото, во извештајот истакнуваат дека нивото на девизните резерви е адекватно и дека во јули оваа година е за 10 отсто повисоко во споредба со крајот на минатата година, што е значајно за стабилноста на домашната валута.
„Во извештајот, од агенцијата напоменуваат дека тековните случувања на депозитниот и девизниот пазар ја потврдуваат довербата на граѓаните во банкарскиот систем и во стабилноста на домашната валута – денарот“, се вели во соопштението од нашата централна банка.