ДЕНЕС НАТПРОСЕЧНО ТОПЛО: Температури кои не се вообичаени за овој период од годината
Објавено во: Македонија 25 Октомври, 2022
Невообичаено топла недела е пред нас, според прогнозата која ја најавуваат синоптичарите од УХМР.
Максимални дневни температури до 28 степени се очекуваат денеска во јужните делови од земјава.
Прилично топло, а и сончево и во Скопје, каде се очекуваат температури до 26 степени.
Времето утре:
Сончево со мала до умерена локална облачност и релативно топло. По одделни котлини ќе има услови за појава на утринска слаба магла . Ќе дува слаб до умерен ветер од северозападен правец.
Во Скопје сончево и релативно топло со мала облачност.