Денес ново задолжување на Владата, утре раздолжување

Добивај вести на Viber

За 813 илјади евра денеска државата ќе се задолжи кај домашните кредитори, а веќе утре истата сума треба да биде раздолжена.

Во текот на последните две аукции Владата зема повеќе пари отколку што требаше да врати на сумата што доспеваше за раздолжување, па се поставува прашањето дали истата постапка надлежното министерство ќе ја направи и овој пат.

Според објавените податоци,  планирани се аукции на тримесечни државни хартии од вредност во износ од 244 илјади евра, со каматна стапка од 1,60%. И на десетгодишни државни хартии од вредност во вкупен износ од 569 илјади евра, при што едната аукција е со каматна стапка од 3,70% а другата со 3,90%.

Притисокот на домашниот пазар расте, а опозицијата и експертите постојано предупредуваат дека а во една ваква политичка констелација важно е државата да се задолжува во износ во кој треба да се раздолжи ден или два по задолжувањето.

Изминативе неколку аукции може да се забележи дека Министерството за финансии ги зголеми каматните стапки за државните хартии од вредност, што економистите го толкуваат како обид да се соберат што е можно повеќе пари од домашните кредитори.