Рокот истекува: Денеска лидерска средба?
Објавено во: Македонија 30 Септември, 2019
Премиерот Зоран Заев минатата недела од Њујорк изјави дека не ја исклучува можноста денеска повторно да седнат на заедничка маса со лидерот на опозицијата Христијан Мицкоски за да разговараат за законот за јавно обвинителство.Заев додаде дека би било добро да се најде решение за овој закон до 15 октомври.
– Се надевам дека ќе изнајдеме решение, покажавме демократска зрелост, понудивме Обвинителство за гонење на висока корупција. Како секаде во регионот, така и во нашата земја има потреба од таква работа, каде што на предлог на опозицијата би се предложил обвинителот. Верувам дека и тука ќе продолжиме да разговараме. – изјавил премиерот за „VOA“.
И лидерот на ВМРО-ДПМНЕ, Христијан Мицкоски начелно не отфрли разговор, но како што претходно најави нема да отстапат од своите барања за избор на Обвинител кој темелно ќе ги испита сите случаи на корупција без разлика кога се сторени, вклучително и последниот случај „Рекет“.
На евентуалниот состанок на Зоран Заев - Христијан Мицкоски, опозицијата повикува да се водат разговори за да се вградат принципите во законот, наместо да се заштитат поединците.
„Ние не сме тука да ги исполниме желбите на Заев, туку да разговараме за примената на принципите што ги нудиме. Ако имаме договор за законот, ние сме подготвени да разговараме за предвремени парламентарни избори кои се повеќе од неопходни “, рече Димче Арсовски, портпарол на ВМРО-ДПМНЕ.
Иако Заев најави средба меѓу него и Мицкоски, СДСМ вчера немаше одговор дали ќе има лидерска средба. Социјалдемократите ја обвинуваат ВМРО-ДПМНЕ дека се обидува да го врати криминалот преку законски решенија.
Премиерот Заев пред неколку дена рече дека пред состанокот на Советот на Европа, власта и опозицијата треба да се договори за усвојување на Законот за јавно обвинителство. Според него, владата го гарантирала тоа што го бара меѓународната заедница повикувајќи се на случаите на СЈО. Заев исто така истакна дека предвремените избори не се потребни додека граѓаните не го забележат економскиот ефект од членството во НАТО и датумот за разговори во ЕУ.
Можеби ќе ве интересира
ФАКТОР НА ДЕНОТ: Се сумираат резултатите од изборите, Силјановска со голема разлика пред Пендаровски
ХАЈРЕДИНИ: Што ќе се случи ако Македонците се обединат?
МИЦКОСКИ: Мобилизацијата на граѓаните ќе биде одговор на евентуален бојкот на СДСМ и на ДУИ на вториот круг
ДИК: Tечат роковите од 48 часа за приговори, на трите места во Куманово нема да се прегласува
МЕТА: Победата на Силјановска-Давкова ќе биде уште поголема во вториот круг
ГРЧКИ МЕДИУМИ: Што пишуваат за првиот круг од претседателските избори во Македонија?
(ВИДЕО) ГРУБИ СО КУФЕР ДОЈДЕ ПРЕД ОПШТИНА ЧАИР: Сега земете го куферот и одете дома
ЕВЕ ВО КОЈА ОПШТИНА ВАНКОВСКА ГО ПРЕТРКА МАКСИМ, А КОЈ ЕЗЕРСКИ ГРАД СЕ ОПРЕДЕЛИ НАЈСИЛНО ЗА ДАВКОВА - гласање во најголемите места во внатрешноста
Скендер Реџепи: На 8 мај нема да гласам ни за едниот, ни за другиот
