ДЕСЕТТО ИЗДАНИЕ НА МЕЃУНАРОДНАТА ГРАФИЧКА РАБОТИЛНИЦА „СОФИЈА“
Од 23 август до 3 септември во Богданци, десетта година по ред ќе се одржи единствената графичка работилница на Балканот
Објавено во: Мои пари 22 Август, 2017
Во наредните десет дена Богданци по десетти јубилеен пат ќе биде центар на графиката и на уметноста во Македонија. Од 23-ти август до 3-ти септември, традиционално по десетти пат ќе се одржи меѓународната графичка работилница „Софија“, единствена од ваков тип во Македонија и на Балканот. Станува збор за еден од најпрестижните настани од ваков тип, кој започна скромно во 2008 година, но во меѓувреме прерасна во регионален културен бренд.
„Навистина сме горди што десет години по ред ја организираме графичката работилница, чија основна цел е на младите и талентирани автори да им се овозможи размена на искуства и можност за создавање графички дела во сите техники. Ова е особено важно, со оглед на тоа што графиката како техника, заради условите во кои се работи, е помалку застапена, не само во Македонија туку во целиот регион. Се надеваме дека на овој начин барем малку придонесуваме за промоција на уметноста и културата во нашата земја“, велат од Здружението на граѓани „Графичка работилница „Софија“ Богданци“, кое е организатор на работилницата.
На годинешната главна сесија ќе учествуваат 15 уметници (графичари) од Македонија и од странство, селектирани од државните ликовни академии во Скопје, Нови Сад, Ниш, Загреб, Сараево, Софија, а за првпат оваа година ќе има двајца учесници од академијата во Варшава, Полска. Ментор на работилницата ќе биде Тони Васиќ, универзитетски професор и истакнат графичар од Македонија.
Завршната изложба ќе се одржи на 2-ри септември во галерискиот простор на Печатница „Софија“ во Богданци. Во нарединиот период се планирани повеќе изложби во градови низ Македонија и регионот.
Графичката работилница „Софија“ првпат се одржа во 2008 година. До сега низ неа продефилираа околу 160 графичари од целиот регион. Улогата на ментори ја имаа истакнати графичари и универзитетски професори од Македонија, Србија, Хрватска и Босна и Херцеговина.
На Фејсбук страницата https://www.facebook.com/graphicartsofijaсекојдневно ќе се објавуваат информации и фотографии за текот на Графичката работилница.
Организатор:
Здружение на граѓани „Графичка работилница „Софија“ Богданци“
Можеби ќе ве интересира
Посакувам да бидеме дел од трите регионални финалисти на „Рамка за помош“ на НЛБ Групацијата и токму нашиот проект да стане реалност: Сашко Јованов од Здружението за поддршка и развој „Хуманост“
Мило ми е што НЛБ ја препознаа и поддржаа нашата идеја, средствата ќе бидат наменети во нудење и промоција на бесплатна хипотерапијата низ цела држава: Мариа Дуда за „Кантрисајт Ретрит“
Со нашиот проект „Заедно во инклузивна заедница“ заслужуваме титула регионален победник на „Рамката за помош“ за 2024 на НЛБ Групацијата: Александар Стојановски - Здружение Во Мојот Свет
Со задоволство Ви го преставуваме ГРАНД СКОПЈЕ, како PRIME SPONSOR на Конференцијата за комерцијални недвижности во Скопје, Македонија
Дали ја знаете играта Царица? Можеби ја знаете ама во вашиот град има друго име
Подобрени резултати во првиот квартал поттикнати од извозот и ефектот од вреднување на залихите во услови на зголемени меѓународни цени на горивата
Државната изборна комисија го заокружи едукативниот караван „ТИ СИ НА РЕД“ во битолскиот и тетовскиот регион
СУПЕР МИЛИОНЕР ЏЕКПОТ НА ВИДЕОЛОТАРИЈА КАСИНОС АВСТРИЈА Е ВО ЗОНА НА ПАЃАЊЕ
