ДЕТАЛИ ЗА УБИСТВОТО ВО ДЕБАР: Блерта која го ликвидираше семејството слетала од Виена во Скопје?
Објавено во: Македонија 05 Септември, 2018
Италијанските медиуми откриваат нови детали за ќерката на убиеното семејство Поцеста која е главна осомничена во истрагата.
Со цел да се разреши случајот со семејството убиено во Дебар, италијанските медиуми пренесуваат дека истрагата на тамошниот полициски штаб во провинцијата Проденоне предводена од Рафаеле Тито, била од големо значење.
Серија наоди и информации се собрани за време на истрагата извршена минатата сабота во куќата каде живеело семејството Поцеста.
Мобилниот сигнал, како што открил шефот на италијанската полиција Марко Одорисио, кој ангажирал и специјален тим ги открил движењата на 28 годишната Блерта Поцеста.
28-годишната Блерта се качила на летот во Виена во 6.20 часот еден ден пред убиството. По слетувањето во главниот град на Австрија, таа неколку часа подоцна слетала во Скопје.
Обратната рута ја направила но со застанување во Белград, неколку часови по извршеното злосторство: „главната осомничена за злосторството, се вратила во Венеција по 20 часа на 26 август, по моментот кога соседите ги откриваат телата на нивните роднини.
Италијанскиот медиум пренесува дека имала доволно време за да добие телефонски повик од роднините за да се врати во Македонија веднаш.
Поддршката на полицискиот штаб Порденоне е исто така од суштинско значење за идентификување на еден од соучесниците на Блерта Почеста.
Веднаш штом таа слетала во Скопје, стапила во контакт со непознат број.
Кога техниката на разузнавачите ги вратила назад броевите кои ги бирала Блерта, се појавил и непознат број, кој се покажало дека е на еден од соучесниците или Ферди Гаши (31) од Гостивар.
Македонското обвинителство ги уапси врз основа на собраните докази.
Блерта Почеста го признала тројното убиство по 24 часа испрашување, но истрагите се далеку од затворени. Како што е подвлечено од страна на шефот на полицијата Одорисио, останува да се открие мотивот. Сите причини за злосторството остануваат отворени: економски, семејни или слично.
Со Блерта Почеста и Ферди Гаши, уште еден македонски државјанин, В.К. е приведен.