Димитров примен од Државниот секретар на САД - Македонија е на добар пат
Објавено во: Македонија 30 Ноември, 2017
Никола Димитро, министерот за надворешни работи на Република Македонија, при посетата на САД успеа да се сретне и со Рекс Тилерсон еден од највисоките државни функционери во владата на САД и предводник на Стејт департментот.
На средбата државниот секретар на САД Рекс Тилерсон истакнал дека Македонија е на добар пат кон успехот и треба да биде пример за регионот.
Тој нагласил дека САД ќе продолжат да имаат позитивна улога за стабилноста и напредокот на регионот, да бара начини како да помогне.
Тилерсон ја поддржал реформската агенда повикувајќи ја Владата на Република Македонија да истрае во нејзиното спроведување.
Во рамките на посетата, Никола Димитров вчера имаше настап и пред Атлантскиот совет.