ДЛАБОКО „ИЗВИНИ“ ОД ОСМАНИ ЗА ЗНАМЕТО - нема оправдување за пропустот, но министерката имала разбирање
Објавено во: Македонија 19 Октомври, 2022
Министерството за надворешни работи изразува длабоко извинување за, како што велат, ненамерниот пропуст при употребата на малото знаме на тет-а-тет средбата на двајцата Министри при посетата на Министерката Фајон на земјава, кое било едно од десетте државни обележја кои беа употребени за време на средбите.
„Во исто време дозволете да информираме дека состанокот, како всушност и целата посета на Министерката Фајон помина во исклучително позитивна и пријателска атмосфера со важни пораки кои беа разменети и на самите состаноци, но и испратени во јавноста.
Иако не може да има оправдување за направениот пропуст, Министерката со целосно разбирање ја прими грешката како ненамерна, без никакво влијание врз успешноста на средбите и посетата.
Информираме дека Министерството за надворешни работи дополнително ќе ги зајакне протоколарните проверки со цел во иднина да не се повтори ваква ситуација“, се вели во соопштението д МНР.