ДРАМА НА СРПСКО СЕМЕЈСТВО НА ТАСОС - детето имало болки во стомакот, еве што откриле
Објавено во: Балкан 11 Јули, 2020
Десетгодишно момче од Србија, кое летувало со семејството на Тасос, било примено во болница во Кавала, првиот голем град во близина на островот, во средата, откако се пожалило на болки во стомакот и треска, а било откриено и дека е позитивно на коронавирусот. Ова за српски курир го потврдила Ана Николиќ од агенцијата „Никана“ на Тасос.
Таа рекла дека неговите родители го однеле сами во болницата, каде е утврдено дека тој има воспаление на слепото црево и закажана е операција.
„Откако неговите родители го доведоа во болница во средата, момчето беше примено и веднаш беше закажана операција на слепо црево. Сепак, според новиот протокол, направен е тест за ковид, а резултатите покажале дека момчето било позитивно за вирусот“, посочила таа и додала дека резултатите ги збуниле родителите, бидејќи тие на граница, кога влегувале во Грција, биле негативни.
„За родителите не е јасно како е можно дека детето е позитивно, затоа што тој не бил во контакт со други луѓе, освен со нив, за време на тие неколку дена одмор на Тасос. Затоа тие побарале да се направи уште еден тест“, изјавила Николиќ.