16 Јули, 2019
0.0200

Друштвата се отвораат за инвеститори: Одобрени две јавни емисии на акции

Објавено во: Финансии 19 Април, 2019

Две јавни емисии на хартии од вредност одобри на последната седница, Комисијата за хартии од вредност на Северна Македонија (КХВ), соопштија денеска оттаму. Станува збор за емисии на „Вардар“ АД Градско и  на „Црвени Брегови“ АД увоз-извоз. Со ова, двете друштва за прв пат се отвораат пред широката инвеститорска јавност. 

Од КХВ соопштуваат дека Комисијата за оваа година утврдила сет стимулативни мерки за афирмација на примарниот пазар на хартии од вредност. 

„Имено, воведен е промотивен концепт „ 0 денари административни трошоци за иницијалната јавна понуда“ или со  други зборови  друштвата се ослободени од надоместокот кој досега ѝ го плаќаа на Комисијата, а тим на КХВ е достапен за помош при подготовка на проспектите и другата потребна  документација, со што е олеснет патот до иницијалната јавна понуда, стои во соопштението од седницата.

Друштвото за производство и промет со земјоделски и сточарски производи „Вардар“ АД Градско со  втората емисија ќе издаде 1.265.423 обични акции со продажна цена по акција од  315 денари, а Акционерското друштво за земјоделско производство и трговија „Црвени Брегови" АД увоз-извоз 56.177 обични акции со продажна цена од 3.145 денари.

Вкупната вредност на двете емисии е 575.284.935 денари или 9.355.048 евра, што значи дека се зголемува берзанскиот материјал за тргување.

При запишувањето и распределбата ќе се применува моделот на фиксна цена со примена на принципот на приоритет на поголема количина и порано време на внес на налогот во БЕСТ системот. И двете јавни понуди ќе се сметаат за успешни, доколку се запишат и уплатат најмалку 60 проценти од понудените акции.

Од Комисијата за хартии од вредност велат дека ги охрабруваат друштвата да го користат пазарот на капитал како извор на финансирање на нивното работење и во иднина е подготвена за поддршка и помош во процесот на „отворање за јавност“ односно издавање хартии од вредност по пат на јавна понуда.


Можеби ќе ве интересира

ДУИ бара од Заев да ја стави Бежовска за министер

ДУИ бара од Заев да ја стави Бежовска за министер

Поради Германците во овој српски град скокнаа цените на становите

Поради Германците во овој српски град скокнаа цените на становите

Анѓушев на средба со ММФ: Економијата расте, невработеноста опаѓа

Анѓушев на средба со ММФ: Економијата расте, невработеноста опаѓа

Мали даноци - големи неданочни и парафискални давачки

Мали даноци - големи неданочни и парафискални давачки

Аргир реименуван за директор на НЛБ Банка

Аргир реименуван за директор на НЛБ Банка

ЕУ и за Бугарија ќе одлучува во октомври

ЕУ и за Бугарија ќе одлучува во октомври

За собарките од Филипини нудат 650 евра и бесплатен aвионски билет

За собарките од Филипини нудат 650 евра и бесплатен aвионски билет

Ова е најскапиот град на светот за странци

Ова е најскапиот град на светот за странци

Поради високите плати ова е земја од соништата

Поради високите плати ова е земја од соништата