Дванаесет деца прегазени во Словачка
Објавено во: Свет 22 Февруари, 2018
Најмалку дванаесет деца се повредени откако автомобил удрил во група деца во близината на Попрад, во североисточна Словачка. Словачката полиција соопшти дека две деца се потешко повредени, а четири се здобиле со повреди од средна тежина. Станува збор за дечиња од ромска националност, пренесува Б92.
- Возачот е практично неповреден во инцидентот.Во неговата крв нее е пронајден алкохол. Очигледно е дека неговиот автомобил се излизгал при вртењето, по што се превртел на кровот, влетувајќи во група ромски деца која поминувала во моментот - изјави портпаролот на словачката полиција Даниел Јобаник.
Сите повредени деца се сместени во околните болници, а во нивното згрижување учествувале два хеликоптери и неколку амбулантни возила. Полицијата се` уште ги истражува причините за инцидентот.