Две жени кои го преживеале мачењето на ИД добија награда „Сахаров“

Добивај вести на Viber

Две жени од јазидско потекло кои успеаја да избегаат од групата  „Исламска држава" во Ирак, ја освоија овогодинешната награда на Европскиот парламент за човекови права „Сахаров". 

Признанието оди кај Надја Мурад и Лами Хаџи Баша. Тие успеале да избегаат од заробеништвото на „Исламска држава“ и да пребегаат во Германија. Сега се обидуваат да освојат сојузници во борбата против киднапирањето и држењето во сексуално ропство на Језидките од „Исламска држава“. Овие две жени му припаѓаат на курдското религиозно малцинство Језиди, кое беше и сѐ уште е изложено на големи страдања и измачување на териториите кои ги контролира терористичката милиција во Ирак. Мурад и Башар се залагаат за формирање на меѓународен Трибунал за злосторствата на ИД. Според нивните наводи околу 12.000 Језиди досега биле жртви на ИД- мажите биле убивани, жените и девојчињата злоставувани како сексуални робинки.

Други кандидати за престижната награда беа исто турскиот опозициски новинар Џанг Дондар и лидерот на Кримските Татари, Мустафа Джемилев.

Наградата „Сахаров" е именувана на советскиот научник Андреј Сахаров, кој починал во 1989 година. Минатата година добитник на наградата стана блогерот од Саудиска Арабија,  Раиф Бадави, кој беше осуден на затвор поради навреда на исламот.