Две жени победија на суд наспроти Франција за загадениот воздух во Париз
Објавено во: Свет 26 Јуни, 2019
Управниот суд во Монтереј
пресуди, Франција не превзела доволни мерки за запирање на загадувањето на
воздухот, пренесува Би Би Си.
Тужбата била поднесена од мајка и ќерка кои тврделе дека нивното здравје се влошувало додека живееле во близина на раздвижениот кружен пат во Париз.
Според нив, проблемите кои им се јавиле со здравјето кога се преселиле од таму изчезнале.
Според француската агенција за јавно здравје, загадувањето на воздухот е одговорно за 48.000 случаи на предвремена смрт годишно.
Случајот, поддржан од невладини организации, беше прво покрената тужба од страна на поединци против француската држава поради здравствени проблеми предизвикани од загадувањето на воздухот.
Мајка, на 52 години, и ќерка, на 16, рекоа дека властите не презеле ефективни чекори против атмосферското загадување, особено во декември 2016 година.
„Државата допушти грешка, не презеде доволни мерки за квалитетот на воздухот“, кога меѓу 2012 и 2016 година не успеа да го намали нивото на одредени загадувачки гасови, посочи административниот суд во Монтереј.
Адвокатот на тужителите изјави: „Од сега па натаму, државата ќе треба да преземе ефикасни мерки за борба против загадувањето на воздухот“.
Меѓутоа, судот го отфрлил барањето за 160 илјади евра отштета, велејќи дека не нашол директна врска помеѓу нивните здравствени проблеми и неуспехот на државата да преземе акција.
Тужителите тврдат дека нивните респираторни проблеми - хронични напади на бронхитис и астма - се влошиле за време на врвот на загадувањето. Тие го напуштиле Париз и отишле да живеат во Орлеанс, Централна Франција, и велат дека нивното здравје е значително подобрено.
Во моментов во градот Лион, Лил и Гренобл има околу 40 слични случаи. Решенија се уште се во тек.