Еди Рама со патики и костум се појави во Лондон
Објавено во: Балкан 18 Јуни, 2019
„Старките“ во комбинација со син костум. Вака се појави албанскиот премиер Еди Рама кој учествува на форумот „Инвестициски можности во брзорастечкиот регион“ во организација на „Фајненшл тајмс“ посветен на земјите од Западен Балкан, кој денеска се одржува во Лондон. Тој учествуваше на панел заедно со македонскиот премиер Зоран Заев и со српската премиерка Ана Брнабиќ.
Рама е познат по неговиот „лежерниот“ однос кон гардеробата кога се работи за
присуство на некои јавни настани. Тој денеска е дочекан со мал протест во Лондон, каде што од него се
побара да ја напушти функцијата, во време кога во Албанија се случуваат големи
протести на опозицијата.
Рама и претходно на настани се појавувал во патики, а еднаш не му беше дозволено да се фотографира за групна фотографија затоа што не го почитувал дрес кодот.