Една земја го зголемува бројот на балистички ракети
Објавено во: Свет 16 Октомври, 2018
Иран тврди дека развил ракети со дострел од 700 километри.
Земјата го зголеми дострелот на своите балистички ракети копно-море на 700 километри, откри висок функционер на иранската војска, во време на засилени тензии околу вооружувањето меѓу Техеран и Вашингтон, пренесуваат агенциите.
Иран тврди дека ракетната програма е исклучиво со одбранбена цел.
Иран во 2008 година покажа ракета копно-море за која тврдеше дека има дострел од 290 километри.
Специјалниот американски претставник за Иран Брајан Хук во понеделникот кажа дека ракетната програма на Техеран создава тензии во Јемен, Ирак и Сирија.
Американскиот претседател, Доналд Трамп во мај ја повлече својата држава од нуклеарниот договор меѓу Иран и светските сили, тврдејќи дека не е доволно добар затоа што не вклучува ограничувања на иранската балистичка ракетна програма, и дека не ја ограничува поддршката на Техеран на паравоените сили во Сирија, Јемен, Либан и Ирак.