Ефтината нафта ќе доведе до рекорден трансфер на богатство

Добивај вести на Viber

Економистите се уште се расправаат дали ниската цена на нафтата е добра или лоша вест за економијата.

Аналитичарите од „Bank of America Merrill Lynch“ сепак направија нова опсежна студија за долготрајнот влијаниео на евтината нафта.

Според нив трајно ниските цени на нафтата ќе доведат до пренесување на богатство во износ од 3 трилиони долари годишно од нафтените производители кон светските корисници, што би било најголемиот сличен трансфер во историјата на човештвото.

До овој заклучок дошол  истражувачкиот тим на банката, предводен од Франциско Бланш.

Бланш веќе гледа докази за позитивен ефект од ниските цени на суровината врз потрошувачката, кои може да се зајакнат во иднина. „Ако цената на нафтата се задржи во просек 40 долари за барел во следните пет години, побарувачката ќе се зголеми за 1,5 милиони барели на ден. Со просечна цена на нафтата од 20 долари за барел потрошувачката ќе биде со 1.7 милиони барели на ден повеќе“, коментира експерт пред финансиското издание Bloomberg.

Особено силен ќе биде ефектот на евтината нафта на пазарите во развој, кои се соочуваат со сериозно забавување на растот.

Позитивниот ефект ќе е влакно во порастот на продажбата на автомобили и потрошувачката како целина.

„Евтината нафта ги стимулира кинеските потрошувачи да купуваат поголеми автомобили. Продажбата на спортски модели се зголемила за 60% во земјата на годишна основа во текот на последните три месеци од изминатата година, додека вкупната продажба на автомобили се зголемила за 22%.