Ексклузивно: Од Афроџек, Принцот Константин, до Ариа од Игра на Тронови, еве како помина вториот дел на Европскиот „Форбс под 30 Самит“
Објавено во: Економија 07 Септември, 2018
Со музичка изведба на познатата пејачка Ема Хистерс (Emma Heesters) започна вториот ден од првиот “Форбс под 30 Самит во Европа ” (Forbes Under 30 Summit Europe) . Низ престојните 8 панели на сцената можеа да се слушнат најразлични профили и категории на луѓе, од Афроџек (Afrojack), светски познат ДЈ по потекло од Амстердам кој раскажуваше за мотивациите и напорната работа, потоа блогери, влогери и светски познати инфлуенсери како Негин Мирсалехи која има над 4 милиони следбеници на Инстаграм. Негин ја раскажа нејзината приказна и тоа колку на почетокот нејзиниот Инстаграм бил преправен со негативни коментари, но и колку и помогнал да го изгради нејзиниот бренд Гизу (Gisou).
На панел на тема “Модерната канцеларија” зборуваа тројца претпримачи кој раскажуваа за бенефитите од аутсорсинг (outsourcing) и немање ни еден вработен, а раководат со компаниски обрт од 1 билион долари. Интересна беше дискусијата во која учество земаа раководни лица на најголемите вентуре капитал фирми во Европа кој сметаат дека во наредните години се очекува VC сцената од Америка да се насочи кон Европа и првиот билион од продажба да биде токму во Европа. На прашањето во која категорија се очекува и во кој град, Офела Браун од Блосом Капитал одговори дека ќе биде најверојатно во Лондон и во сферата на финтек (fintech).
Како што е традиција на секој Форбс Самит, така и на овој беше доделена наградата “Microsoft Spark Award” која ја додели директорот на маркетинг на Микрософт Џенифер Марсо (Jennifer Marcou). Оваа награда се доделува на претпримачи со значително достигнување во социјалното прептриемаштво, а на овој Самит ја доби пакинстанката Хера Хусеин за создавање компанијата ЏЕЈН (CHAYN) која преку изработка и продажба на накин им помага на злоупотребуваните жени.
Вториот блок од денот продолжи со излагање на тема “Технологијата што ќе ги реши проблемите на светот” на принцот Константин од Кралското семејство на Холандија, а најверојатно најинтересно беше присуството на актерката Мејси Вилијамс која ја глуми Ариа во светски познатиот “Игра на троновите” (Game of the Thrones). Мејси заедно со нејзиниот ко-основач ја формирале платформата “Дејзи” (Daisy), која има за цел да биде социјален медиум за креативците од различни индустрии. Оваа платформа која до вчера била идеја, во текот на месец септември собрала ризичен капитал од 3 милиони долари и се очекува наскоро да биде пуштена.
Вечерта заврши во стил само каков што Форбес може да направи, со двочасовно патување низ каналите на Амстердам. Сите присутни имаа можност да ги доживеат убавините на овој европски град низ зајдисонцето.
Во очекување на утрешниот ден!
За Фактор од Амстердам,
Аријана Коскарова (Creative Hub)