ЕРДОГАН НЕ ПРИЗНАВА ПОРАЗ: Турскиот претседател бара повторно броење на сите листи во Истанбул

Добивај вести на Viber

Претседателот на Турција вели дека не е можно опозицискиот кандидат да прогласи победа во Истанбул со 13 000 - 14 000 гласови во град со 10 милиони гласачи.

Ердоган ги брани барањата на својата партија за повторно броење на сите гласови во Истанбул, и тврди дека нерегуларностите нанеле штета на скоро целото пребројување на гласовите на неодамна одржаните избори во таа земја.

Во повеќе области во Истанбул повторно се бројат неважечките гласачки ливчиња, но партијата на Ердоган сега бара сите гласови повторно да се бројат, пренесе АП.

Делумно пребројувањето го намалило водството на опозициските кандидати во Истанбул.

Кандидатот за градоначалник на главната опозициска Републиканска народна партија Екрем Имамоглу, според првото броење, водел со 25 000 гласови разлика, додека со повторното броење разликата паднала на 15 000 гласачки ливчиња.

Опозицијата го повикала Ердоган да го признае поразот, на што актуелниот претседател одговорил како „никој нема право да прогласи победа во град кој има повеќе од 10 милиони жители, со водство од 13 000- 14 000 гласови разлика.

Ердоган додал дека неговата партија ќе признае резултат кој ќе го прогласи турската Врховна изборна комисија.

Во Истанбул од вкупно 39 административни области главоите се пребројувале во 18 административни области.

FOTO: AP