ЕУ: Нападите на САД во Сирија се насочени против употребата на хемиско оружје

Добивај вести на Viber

Американските власти ја информирале Европската унија дека нанесените воздушни напади во Сирија биле насочени кон спречување на понатамошното користење на хемиско оружје во земјата, соопшти прес-службата на Европската комисија. Во соопштението на ЕК се наведува дека „ударите биле ограничени“.

Во меѓувреме, генералниот секретар на НАТО Јенс Столтенберг изјави дека „властите во Сирија ја носат целосната одговорност за ударите на САД по цели на армијата“. 

„Сирискиот режим ја носи целосна одговорност за ваквиот развој на работите. НАТО редовно ја осудува употребата на хемиско оружје од Сирија како очигледно прекршување на меѓународните норми и договори“, рече тој. Според зборовите на Столтенберг „што и да е употреба на хемиско оружје е недозволиво и тоа не може да остане без одговор, а виновниците треба да бидат одговорни“. „НАТО смета дека употребата на хемиско оружје е закана за меѓународниот мир и безбедност. НАТО ги поддржува сите меѓународни напори насочени кон постигнување на мир и политичко решение во Сирија“, истакна уште генералниот секретар.

Во четвртокот вооружените сили на САД по наредба на претседателот Доналд Трамп лансираа 59 крстосувачки проектили „Томахоук“ по воениот аеродром на сириската армија во провинцијата Хомс. Ракетниот удар дојде како одговор на нападот со хемиско оружје во провинцијата Идлиб, за која Западот ја обвинува сириската власт. Според Вашингтон токму од овој аеродром во Хомс започнал нападот против Идлиб.