ЕУ си ја продаде душата, за да склучи договор со Турција за мигрантите ?!
Објавено во: Балкан 21 Март, 2016
Во петокот Европската унија (ЕУ) загуби клучно свое достигнување. Договорот со Турција е срамно нешто на што сме сведоци во современата европска политика, пишува Волфганг Монхау во коментар за „Financial Times“.
На денот кога лидерите од ЕУ го потпишаа договорот, турскиот претседател Реџеп Таип Ердоган ги откри вистинските визии:
„Демократија, слобода, владеење на правото? За нас овие зборови веќе немаат никаква вредност“. Во овој момент, Европскиот совет мораше да стави крај на разговорот со турскиот премиер Ахмет Давутоглу и да го испрати дома.
Наместо тоа лидерите склучија договор со него, обезбедувајќи пари и многу други бенефиции во замена за помош во бегалската криза. И тоа со земја чие раководство штотуку ја отпиша демократијата. Во овој ден ЕУ не само што ја продаде својата душа, а договори и лоша зделка, коментира Монхау.
Не можам да проценам дали договорот одговара на Женевската конвенција или други елементи од меѓународното право. Сметам дека Европскиот совет може да гарантира дека тоа би издржало во судот. Дури и да е законско сепак, имам сомнеж дека е изводливо.
Интересно дали ЕУ ќе се откаже од своите ветувања кон Турција, ако Анкара не ги исполни своите, прашува авторот на статијата.
Дури и да биде целосно исполнет, договорот не ја ублажува особено ситуацијата. Очекуваниот број бегалци кои се обидуваат да стигнат до ЕУ, постојано ги надминува договорените со Турција 72 илјади лица.
Затворањето на балканскиот правец даде краток одмор на северноевропејците, но има бројни алтернативни патишта кои бегалците можат да ги користат. Затворањето на граници не го намалува протокот на бегалци, туку едноставно го отстапува. Ова е класичен пример за пренос на даден проблем на друг, истакнува авторот.
Едностраните решенија за затворање на границите на крајот ќе доведат до тоа Шенген зоната да се претвори во мал клуб од северноевропски земји - најверојатно модел за идна еврозона - и тоа ќе е првиот чекор од кршењето на ЕУ.
Договорот со Турција ќе даде одраз и врз дебатите за референдумот за излез на Велика Британија од ЕУ. Дали кампот, поддржува таканаречен „Brexit“, нема да се спротивстави на безвизниот режим на 75 милиони Турци?
Секој човек, загрижен за демократијата и човековите права, ќе жали за трансакцијата. Истото би го почувствувал секој кој стравува од германска доминација во ЕУ, откако договорот беше иницирана од Ангела Меркел.
Германскиот канцелар имаше потреба избезумено од неа, за да се извлече од тврдење во која сама се стави. Токму нејзиното еднострано решение да ги отвори границите на Германија ја направи бегалската криза од лесно решение во своеволно, нагласува весникот.
Кога ЕУ ги губи моралните заслуги, не треба да се изненадите дека луѓето почнуваат да се прашуваат што е поентата од Унијата и потребна ли е таа, додава авторот.