ЕУ СО „АМБИЦИОЗНА“ АКЦИЈА ПРОТИВ ИКЕА: Дали шведскиот гигант затајува даноци?

Добивај вести на Viber

Европската комисија отвора темелна истражна постапка за корпоративната даночна структура на ИКЕА, објави ББС.

Од комисијата велат дека Inter IKEA со седиште во Холандија - еднa од двете единици на шведскиот гигант за мебел, може да добивала нечесни даночни привилегии во Холандија.

Во врска со случајот еврокомесарот за конкуренција Маргрете Вестагер изјави дека сите компании во ЕУ „големи или мали, мултинационални или не, треба да плаќаат фер даночен удел“. Со истрагата, ЕК ќе добие детален поглед на тоа како ИКЕА ја користела својата холандска подружница. Сомневањата се дека таа го искористила тоа за да ја намали својата даночна сметка за приходите од нејзините продавници ширум светот.

„Земјите-членки не можат да им дозволат на избраните компании да плаќаат помалку даноци, така што им овозможуваат вештачки да пренесат профит на друго место“, рече Вестагер.

Комесарот не споменал броеви при последните тврдења против IKEA, но во извештајот на Зелената партија во Европскиот парламент од минатата година беше соопштено дека IKEA избегнала плаќање на 1 милијарда евра како даноци во ЕУ помеѓу 2009 година и 2014 година.

Случајот е најамбициозната акција досега од страна на Брисел против мултинационална компанија од Европа и дојде по слични истраги против американските гиганти Apple, Amazon и McDonald's.