Еуромакс Ресоурцес за Иловица: Гарантираме за безбедноста и здравјето на луѓето

Добивај вести на Viber

 „Еуромакс Ресоурцес“, во процесот нема да употребуваат  ниту цијанид, ниту сулфурна киселина, соопшти денеска менаџментот. Велат дека се во постојана комуникација со Владата и дека ќе почекаат на поинтезивни разговори по одржувањето на референдумот. Компанијата концесионер на рудникот за бакар и злато „Иловица-Штука“, тврди дека добива поддршка од локалното население за плановите за работа

„Преку едноставен физички процес ќе произведуваме само концентрат на бакар, кој ќе вклучува мала количина злато. Истиот концентрат ќе биде транспортиран до топилница  во Бугарија, кадешто ќе се произведуваат металите, бакар и злато, изјави Варшан Гоуку, галвен извршен директор на „Еуромакс Ресоурцес“. 

Според Гоуку, надлежните лица од одделот за корпоративна одговорност се постојано на терен и комуницираат со населението, кое во изминатиот период заедно со еколошки организациии организираше протести за отворањето на рудникот.

„Добиваме поддршка од страна на населението, драго им е што се отвораат нови работни места. Драго ни е што во последниот период активно добиваме поддршка во врска со работата,  рече Гоуку, одговарајќи на новинарски прашања на денешната средба со новинари.

Тој дополни дека нивната студија за влијанието врз животната средина, изработена од локални и од глобално реномирани експерти, гарантира за безбедноста и докажува дека ќе нема негативни влијанија врз здравјето на луѓето и животната средина. 

Во одговор на новинарски прашања оперативниот директор на „Еуромакс Ресоурцес“ Патриок Форвард рече дека во процесот на преработка на концентратот нема никави промени и оти содржината од 24 проценти бакар е исплатлива.

Од планираната инвестиција во рудникот во вкупен износ од 340 милиони евра, досега се вложени околу 40 милиони евра. Концесионерот на „Иловица“ очекува реализацијата на инвестицијата да го зголеми БДП за три отсто на годишно ниво, ветува вработување на 500 лица во тек на 20 годишното работење.  Уверува дека ќе плаќа 25 милиони евра даноци годишно, вклучувајќи концесиски надоместоци од три милиони евра во буџетот на локалните општини.