ЕВЕ ВО КОЈА ОПШТИНА ВАНКОВСКА ГО ПРЕТРКА МАКСИМ, А КОЈ ЕЗЕРСКИ ГРАД СЕ ОПРЕДЕЛИ НАЈСИЛНО ЗА ДАВКОВА - гласање во најголемите места во внатрешноста

Добивај вести на Viber

Уште една анализа на Фактор за гласањето по општини, овој пат за тоа како гласаа граѓаните во некои од најголемите македонски општини.

Ги анализиравме Битола, Прилеп, Куманово, Охрид, Велес, Струга, Штип, Кочани и Кичево.

Од нашите истражувања според официјалните податоци на Државната изборна комисија, може да се извлече заклучок дека најголема излезност имало во Битола, и тоа 57,61 отсто од запишаните избирачи го оствариле своето право на глас, а втори се прилепчани, со излезност од 56,65 отсто. 

Но, факт е дека ниту една од овие големи македонски општини не успеа да ја постигне излезноста како некои од најрепрезентативните скопски оппштини, чија излезност беше 60 отсто, а за што веќе пишуваше Фактор.

Инаку, во сите овие анализирани општини води професорката Гордана Силјановска Давкова, кандидатка на ВМРО-ДПМНЕ, освен во Куманово, каде нивниот градоначалник Максим Димитриевски оствари водство во првиот изборен круг. Тој пак, е трет во речиси сите други општини, освен во Велес, каде на третата позиција се најде професорката Билјана Ванковска, кандидатка на Левица. 

Процентуално од излезените гласачи Давкова најдобар резултат остварила во Охрид, каде има 54,09 отсто од пребројаните гласови.

Во Битола излегле на гласање 44.599 граѓани, или 57,61 отсто од запишаните во избирачкиот список. Води Давкова со 21.582 гласа, кои претставуваат 48,39 отсто од оние што гласале. Пендаровски таму има 11.543 гласа или 25,88 отсто, а Димитриевски има 4.899 гласа или 10,98 проценти. 

Во Велес гласале 24.078 граѓани, или 53,52 отсто. Од нив за Давкова својот глас го дале 12.482 или 51,85 отсто од гласачите, а за Пендаровски 5.083, што е 21,12 отсто од гласачите. Трета е Ванковска, со 2.562 гласа или 10,49 отсто, а четврти Димитриевски со 2.088 или 8,67 отсто.

Во Кочани излегле 15.368 гласачи или 47,31 отсто, од кои за Давкова гласале 8.079 или 52,57 отсто, за Пендаровски 3.905 или 25,41 отсто, а за Димитриевски 2.062 или 13,42 отсто.

Кичево имало 20.707 гласачи или 41,12 отсто од запишаните, што е помала излезност од другиоте општини. За Бујар Османи кој е прв гласале 38,83 отсто, за Давкова 7.068 отсто и за Пендаровски 2.093 проценти.

Во Куманово биле на гласање 47.372 лица, или излезноста е 50,66 отсто, а од нив Максим добил 14.286, што е 30,16 отсто, по него следи Давкова со 11.982 гласа или 25,29 отсто и Пендаровски кој има 7.399 гласа или 15,62 отсто. 

Во Прилеп гласале 35.214 луѓе, од кои за Давкова 18.085 или 51,36 отсто. За Пендаровски гласале 9.668 гласачи или 27,45 отсто, а за Димитриевски 3.586 или 10,18 отсто.

Во Охрид излегле 27.183 или излезност е 52,56 отсто. Води Давкова со 14.702 гласа што значи има 54,09 отсто, а Пендаровски има само 5.534 гласачи или 20,36 проценти. Димитриевски има 3.015 гласа или 11,09 отсто.

Од Струмица гласале 25.095 отсто или 50,54 отсто од глассачите. Од нив за Давкова 11.808 или 47,06 отсто, за Пендаровски 9.008 лица или 35,9 отсто и за Димитриевски 2.386 или9,51 процент.

Во Штим имало 22.674 гласачи, што значи излезноста е 54,9 отсто. Давкова има 12.958 или 53,18 отсто, Пендаровски 5.610 или 27,74 отсто и Димитриевски 2.322 гласа или 10,24 отсто.

Н.Н.Ф.