ЕВРОПА СЕ „ДЕЛИ“ НА ДВА ДЕЛА, И МАКЕДОНИЈА ПРЕД ГОЛЕМ ШОК: До крајот на месецов не очекува значително студено време

Добивај вести на Viber

Почетокот на Ла Ниња носи леден воздух. Планетата се лади, а африканскиот антициклон, кој е извор на топол воздух, ќе ослабне дури и во Сахара и Мароко.

Овде се очекуваат температури под нормалата, објави српскиот метеоролог Иван Ристиќ на својот Фејсбук профил, пренесува Б92.

Сето ова сугерира дека оваа година ќе имаме многу облаци и свежи денови, а помалку сонце и топли денови во остатокот од пролетта.

Од друга страна, температурата на морето побрзо ќе расте во Медитеранот, а за тој дел важат обратните правила.

Според прогнозата на италијанската веб-страница „Il meteo“ во следните неколку дена, Европа буквално ќе се подели на два дела кога станува збор за времето.

Од една страна ќе имаме вистинско зимско време, а од друга ќе имаме големи горештини. Оваа чудна пролет ќе има силно влијание врз цела Европа, пишува „Ил Метео“.

Во метеоролошкиот жаргон, овие движења на хемисфери се нарекуваат „меридијанска размена“, но всушност студениот воздух се спушта кон средните географски широчини од северна Европа/Атлантикот, ладејќи ги, додека топлиот суптропски африкански воздух се издига кон континентот.

Од вчера пресврт кој носи снег во Европа

Од вчера, 15 април, почна да доаѓа студениот пресврт во северна и централна Европа и да предизвикан продор на воздушни струи од поларно потекло, што ќе предизвика спуштање на температурите под климатскиот просек, особено во Обединетото Кралство и Скандинавскиот Полуостров, а потоа пошироко во Данска, Германија и Франција.

Снегот ќе се врати и во Шкотска, Норвешка, Шведска и Финска на многу ниски височини во текот на неделата.

На Пиринејскиот Полуостров пламна африкански антициклон

Спротивно е на Пиринејскиот Полуостров каде се очекува ново разгорување на африканскиот антициклон со дополнително зголемување на температурата до 30°С во Шпанија (Андалузија) и Португалија. Станува збор за значајна климатска аномалија со вредности за околу 8-9°C повисоки од просекот за периодот 1981-2010 година.

Италија на средината на „бојното поле“

Според најавата „Il meteo“ Италија ќе се најде на средината на „бојното поле“.

Италија ќе се најде во еден вид „зона на конвергенција“ каде што се мешаат воздушни маси од различно потекло: прво многу топол африкански воздух, потоа влегување на ладен воздух од поларно потекло.

Токму во оваа „ничија земја“ се случуваат најголемите и најопасните контрасти: топлината што се акумулира во долните слоеви на атмосферата го зголемува ризикот од екстремни временски настани како што се бури (поплави и поројни поплави) и опасните невреме со град, особено во регионите на североисток и делови од централен југ од вторник, 16 април и наредните денови.

Се менува времето и во Македонија

Од денес попладне, па се до првите денови од следната седмица во Македонија следува период на променливо облачно време со повремени врнежи од дожд со променлив интензитет. Во среда и во четврток ќе биде  и нестабилно, со локални обилни врнежи од дожд (над 35 л/м2), силен ветер (над 70 км/час), електрични празнења и со услови за локална појава на силен град, објави метеорологот Славчо Попоски.

„Секако каде што ќе има вакви појави, процесите ќе бидат застапени во форма на невреме, и тоа особено во централните, како и во источната половина од Македонија, а услови за појава на локално невреме во среда  и во четврток ќе има  и во Скопскиот регион.

Релативно топло ќе се задржи уште утре преку ден, меѓутоа од четврток, а особено од петок насекаде низ Македонија поради спуштање на значително постудена воздушна маса од север и од северозапад, температурите нагло и значително ќе опаднат (дури за повеќе од 10-15 степени во споредба со сегашните), па токму поради ова на планините  и на повисоките места, особено во западните  и во северните предели ќе има врнежи од снег, со што ќе се формира  и снежна покривка.

Снежната покривка која ја очекуваме на планините ќе биде со висина од над 10-20 цм, локално, особено на високите планини таа би можела да биде  и многу поголема. Снежна покривка за време на викендот би можела да се формира понекаде  и во повисоките населени места, а снежната граница би можела да се спушти дури и под 1000 метри надморска височина.

Се на се, да се подготвиме за значително студено и врнежливо време кое ќе трае подолг период, односно одсега гледано се до крајот на овој месец, а ќе има и чести врнежи од дожд и снег“ вели Попоски. 

Б92/Славчо Попоски