Европеецот денес - колку живее, колку заработува и зошто Балканците се поразлични
Објавено во: Свет 09 Мај, 2017
9 мај несомнено е Денот кој Европа го слави. Сe слави победата над една од најпознатите деструктивни идеологии во човечката историја, поради која милиони го загубија својот живот - националсоцијализмот.
По повод Денот на Европа статистичката служба на Европската унија - Еуростат, пушти видео клип со кој го претставува просечниот Европеец - како маж, па и жена. Излегува дека просечната возраст во Европа е 41,2 години за мажите, додека жените се постари - 44,1 години. Во однос на должината на животот повторно жените се во предност- 83,3 години наспроти 77,9 години за мажите.
Мажите работат 42,3 часа неделно, а жените - по 40 часа. Мажите работат 37,9 години од својот живот, а дамите - 32,8 години.
Просечниот Европеец заработува 16,8 евра на час, додека дамите на Стариот континент земат 13,8 евра на час. За образованието Евростат наведува "завршено средно" и дека и мажите и жените знаат по еден странски јазик.
Надвор од предавањето на Евростат е јасно едно - кога децата во Европа и речат на мајка си дека излегуваат во цела Западна Европа родителскиот одговор е: „Чао, до скоро видување“. На Балканот, сепак сликата е сосема поинаква: "Излегуваш? Каде? Со кого? Кој ќе те земе? Кој ќе те врати дома? Кога се враќаш дома? Секој ден си надвор - тоа куќа ли е или хотел? Колку пари ќе потрошиш? Не одделувате никакво време за родителите - кога ќе умрам, тогаш ќе разбереш дека ме имало.