ФАКТОР НА ДЕНОТ: Благоевград го забрани отворањето на македонскиот клуб, а за провокациите на Џамбаски ќе има протестна нота
Објавено во: Македонија 18 Октомври, 2022
БЛАГОЕВГРАД ЗАБРАНИ ОТВОРАЊЕ НА МАКЕДОНСКИ КУЛТУРЕН КЛУБ
ОСМАНИ НАЈАВИ ПРОТЕСТНА НОТА ПО ПРОВОКАЦИИТЕ НА ЏАМБАСКИ
Македонските власти ќе упатат протестна нота до Бугарија.
Шефот на македонската дипломатија Бујар Османи, ќе прати официјална протестна нота до Бугарија поради последната изјава на бугарскиот европратеник Ангел Џамбаски кој го навредуваше премиерот Димитар Ковачевски. Тој покажа и територијални претензии со тоа што зад него додека говореше имаше карта на Голема Бугарија, односно и Македонија беше прикажана како дел од Бугарија.ЗАЕВ НЕМА ДА СЕ КАНДИДИРА ЗА ПРЕТСЕДАТЕЛ
Поранешниот премиер Зоран Заев, на денешното предавање на тема „Енергетската и инфлациската криза“, што се одржа на Универзитетот на југоисточна Европа, рече дека нема да се враќа во политиката и да се кандидира за претседател на Македонија на следните претседателски избори.
– Немам намера да се вратам во политиката и да им олеснам на неколку луѓе и заради Фондацијата Заев и заради моите општествени активности, јас си го сакам нашиот народ, јас ја сакам државата. Немам намера да се кандидирам за претседател на државата, мирни да бидат спокојни. Дваесет години сум во политиката, ќе ја помогам оваа и секоја идна Влада имам наследство внатре, големи одлуки донесов. Сакам да успее мојот народ, сакам да успее државата. Убаво е да расчистиме. Не зборам само за кога бев политичар за опозицијата тогашна моја и за моите луѓе од СДСМ, и за коалициони партнери и за опозицијата-Заев нема да продолжи. Еве едно важно прашање, темите важни да ги пренесуваме, оваа тема можеби на некој ќе му олесни, ама на луѓето ги интересира живеачката, денеска тоа што се случува, рече тој на панел-дискусијата во Тетово.МИСТЕРИОЗНА СМРТ НА РУСИНОТ КОЈ БЕШЕ ОДГОВОРЕН ЗА МОБИЛИЗАЦИЈА
Главниот човек задолжен за мобилизацијата во Русија, Роман Малик кој имаше 49 години е пронајден мртов.
Телото е пронајдено во семејната куќа во Приморски. Малик е пронајден обесен за ограда, пренесе британски Mirror. Отворена е истрага за убиство, но и можноста за самоубиство не е исклучена.ЧИТАЈТЕ УШТЕ