ФАКТОР НА ДЕНОТ: Боки 13 осуден на 9, Јанева на 7 години затвор, а Русковска ќе поднесе жалба

Добивај вести на Viber

ИЗРЕЧЕНИ ПРЕСУДИ ЗА СЛУЧАЈОТ „РЕКЕТ“

Бојан Јовановски-Боки 13 е осуден на 9 години затвор за примање награда за противзаконито влијание и за перење пари, а Катица Јанева на 7 години затворска казна за злоупотреба на службената положба и овластување во случајот „Рекет“. Во казната затвор им се пресметува и времето поминато во притвор.

Јовановски откако ги примил во оптек парите, купувал луксузен мебел, брендирана облека, 13 уметнички слики од Личеноски, Мартиновски, Коџоман, Пандилов Аврамовски, Јаков, Бербер итн, и престојувал во луксузни летувалишта и хотели, иако бил невработен без приход. Судијата Васка Николовска рече дека дел од овие работи ќе му се конфискуваат, како и на Јанева, која како поранешна специјална обвинителка примила паричен поткуп од 50.000 евра и мебел во вредност од 300.000 денари. 

Бојан Јовановски до Обвинителството ќе поднесе кривични пријави против актуелни функционери за повеќе кривични дела меѓу кои и злоупотреба на службената положба, измама и шпионажа. Кривична пријава ќе има и за Орце Камчев.

РУСКОВСКА ЌЕ ПОДНЕСЕ ЖАЛБА

Обвинителката Вилма Рускоска, застапникот на случајот „Рекет“, ќе поднесе жалба како незадоволна од пресудата од 9 години затворска казна за Бојан Јовановски и 7 години казна за поранешната специјална обвинителка Катица Јанева.

Русковска очекувала од 7 до 8 години затвор за Јанева, а за Јовановски над 10 години. Смета дека најголемиот дел од изнудените 1,5 милиони евра завршиле кај осудените.

ДЕНЕС 182 НОВИ ЗАРАЗЕНИ И 6 ПОЧИНАТИ ОД КОРОНАВИРУСОТ

182 новозаразени лица со корона вирусот се регистрирани денеска, починаа шест пациенти. Скопје е главното жариште со 107 нови инфицирани. Следуваат Тетово 23, Куманово 14,  Ресен 13, Охрид 6, Струга 5, Гостивар и Штип со по 4, Битола 2, и по еден нов случај во Струмица, Кочани, Берово и Неготино
Починати се 6 лица, двајца пациенти од Скопје, двајца од Куманово и двајца од Тетово. Во ГОБ „8 септември“ починати се пет лица – двајца пациенти од Тетово, еден на возраст од 81 година хоспитализиран на 16 јуни и пациент на 72 години хоспитализиран на 12 јуни. Кај тројца пациенти вирусот е потврден постмортем – пациентка од Куманово на 64 години и уште двајца пациенти од Скопје на возраст од 68 и 65 години. Во ОБ Куманово почина пациент на 85 години, хоспитализиран на 10 јуни.

ВО ЗЕМЈАВА ИМА 40 КЛАСТЕРИ

ЧИТАЈТЕ УШТЕ

Доколку поради пандемијата на коронавирусот, се намали обемот на работа во индустриските капацитети кај нас, тоа ќе доведе до отпуштање на работници.

Дополнителната заменичка министерка за финансии Гордана Димитриеска-Кочоска тврди дека самата министерка за финансии, Нина Ангеловска, со писмо ја известила Светска банка дека итниот поволен кредит од оваа меѓународна финансиска институција од 90 милиони евра, ќе биде повлечен по завршувањето на парламентарните избори во земјава кои ќе се одржат на 15 јули.

За половина година во казината, обложувалниците, автомат-клубовите и другите игри на среќа поминале 12.258 влогови и добивки од над 1.000 евра. Нема податоци за цела година, затоа што со законските измени, казината и другите приредувачи на игри на среќа мора да ги пријавуваат овие високи уплати и исплати од 1 јули 2019  во Управата за финансиско разузнавање.

Скапо ќе не чинат грешките кои се направија во водењето на оваа епидемија, а почнаа со објавување на изборната кампања, некаде на почетокот на месец мај, кога се разлабавија мерките во услови на флагрантно кршење на законите и прописите за заштита од заразни болести од страна на граѓаните, вели во интервју за Фактор, професор д-р. Никола Пановски, еден од врвните микробиолози во земјава.

Во време на голема загриженост како во наредниот период ќе се развива ситуацијата со ширењето на коронавирусот, долгоочекуваните протоколи за работа на хотелите се веќе донесени. 

Писмото до Светска банка го испратив со цел да се избегне политизацијата на заемот, но и поради то што е подобро за него да одлучува Влада и Собрание со полн легтимитет.