ФАКТОР НА ДЕНОТ: Дијабетичарите протестираа, конечно потпишана одлука за набавка на сензори
Објавено во: Македонија 21 Јули, 2023
ЛИЦАТА СО ДИЈАБЕТЕС ПРОТЕСТИРАА
Министерството за здравство има целосно разбирање за ситуацијата во која се наоѓаат лицата со дијабетес во земјава и максимално се заложува актуелните предизвици да бидат надминати.
Ова го истакна министерот за здравство д-р Фатмир Меџити за време на работната средба со претставниците на Сојузот на здруженија на дијабетичари.
Министерот денеска ја потпиша одлуката за избор на најповолен понудувач за набавка на сензори за континуирано мерење шеќер во крвта за сите деца со дијабетес, како и бремени жени и слепите лица, кои првпат ќе добијат вакви сензори.ВЛАДАТА КРАТЕЛА ПАРИ ОД ПРАВОСУДСТВОТО
Владата кратела пари од правосудството, а за себе си зела два и пол пати повеќе.
Владата ги скратила парите кои законски им следуваат на судовите и обвинителствата. Ова го регистрирале државните ревизори анализирајќи го буџетот за ланската година. Судската власт добила околу 40 милиони евра, но тоа е дури 63 отсто помалку од законски предвидениот лимит, а не постои никаков документ за причините зошто е тоа направено. Ревизорите констатирале дека на овој начин се создава ризик од непречено стабилно и долгорочно финансирање на судската власт.
Обвинителството добило само нешто повеќе од 10 милиони евра, што е половина од тоа што им следува.НЕВРЕМЕ ВО РЕГИОНОТ
Невремето направи пустош на Истра. Штети има од Умаг до Пула, а најмногу настрада Новиград.
Ветрот откорна десетици дрвја во тамошниот камп на автопат Сирена. Нема повредени. Дрвја паднале врз возила, приколки и кампери.ЧИТАЈТЕ УШТЕ
Лекари, пожарникари, Црвен крст, сите на готовс. Екстремно високите температури го запалија Скопје.