ФАКТОР НА ДЕНОТ: Митинзите завршија, од полноќ почнува изборниот молк
Објавено во: Македонија 29 Октомври, 2021
НА ПОЛНОЌ ПОЧНУВА ИЗБОРНИОТ МОЛК
Кандидатите за градоначалници денеска ги имаа своите последни митинзи и средби со граѓани. Од вечерва на полноќ стартува изборниот молк. Во недела се одржува вториот круг од локалните избори.
ЗА 24 ЧАСА ИМА НАД 400 ЗАРАЗЕНИ СО КОРОНАВИРУСОТ
Министерството за здравство информира, согласно податоците од Институтот за јавно здравје дека во последните 24 часа:
Направени се 2.964 тестирања, а регистрирани се 417 нови случаи на КОВИД-19:
Скопје – 155, Прилеп – 31, Куманово и Велес – по 26, Кавадарци – 24, Битола и Штип – по 17, Крива Паланка – 14, Кочани – 13, Тетово – 11, Охрид и Пробиштип – по 10, Радовиш – 7, Свети Николе, Делчево и Кратово – по 6, Гевгелија, Ресен, Берово и Демир Хисар – по 5, Струмица, Кичево, Неготино, Виница и Македонска Каменица – по 3, Пехчево – 2, Крушево – 1.
Регистрирани сe 329 оздравени пациент од: Скопје – 151, Куманово – 35, Велес и Штип – по 15, Кавадарци – 14, Кочани – 12, Битола – 11, Прилеп – 10, Струмица – 9, Гевгелија – 8, Свети Николе – 7, Неготино, Берово и Пробиштип – по 5, Тетово, Кичево и Крива Паланка – по 4, Кратово – 3, Гостивар, Валандово, Богданци, Крушево и Пехчево – по 2, Радовиш и Демир Хисар – по 1.
Во текот на изминатите 24 часа регистрирани се 9 починати лица: по 2 починати лица од Скопје (60г и 64г) и Кочани (45г и 64г) и по едно починато лице од Куманово (75г), Тетово (79г), Штип (66г), Битола (82г) и Крива Паланка (38г). Од пријавените лица сите се починати во болнички услови.
Дополнително, согласно Регистарот на умрени лица со дијагноза КОВИД-19 од Мој Термин, пријавено е едно починато лице со датум на смрт од 24.10.2021, од Скопје на возраст од 84 години, починат во болнички услови.ВОНРЕДЕН НАДЗОР ПО СМРТТА НА 17 ГОДИШНОТО ДЕВОЈЧЕ
Државниот санитарен и здравствен инспекторат уште од вчера попладне почнал со вонредниот надзор за смртта на 17 годишната пациентка.
Младата пациентка на Инфективната клиника е хоспитализирана во многу тешка состојба, 9 дена по појавата на првите симптоми. Со Брза Помош ја транспортирале од битолската болница каде престојувала само еден ден, но поради ниската сатурација и влошената состојба итно била префрлена на скопските клиники. Починатата девојка имала дијабетес.
Министерството за здравство вчера соопшти дека на Клиниката за инфективни болести и фебрилни состојби починала 17 годишна пациентка од село Сопотиница, Демир Хисар.ЧИТАЈТЕ УШТЕ
Не дека некогаш имале лоши резултати, но добвките на македонските банки и натаму растат.
Големата банкарска тројка вчера преку берзата ги објави финансиските извештаи за првите три квартали од годинава.