ФАКТОР НА ДЕНОТ: Власта и опозицијата се едногласни за менување на Законот за здруженија и фондации
Објавено во: Македонија 17 Октомври, 2022
ВЛАСТА И ОПОЗИЦИЈАТА ЕДНОГЛАСНИ ЗА МЕНУВАЊЕ НА ЗАКОНОТ ЗА ЗДРУЖЕНИЈА И ФОНДАЦИИ
Пратеничката на СДСМ, Санела Шкриељ, денеска како одговор на новинарско прашање одговори дека владеачкото мнозинство ќе ја поддржи измената на Законот за здруженија и фондации, кој што е влезен во собраниска процедура по скратена постапка и е предложен од опозицијата.
„Законот за здруженија и фондации навистина бара ревидирање, бидејќи станува збор за закон којшто е стар веќе десетина години. Апсолутно го поддржуваме правото на слобода на здружување, но исто така мора да застанеме во одбрана на вредностите на кои се темели нашата држава, а тоа се антифашистичките вредности, така што секој предлог што е во таа насока ќе го поддржиме“, изјави денеска Шкријељ во Собранието.
Таа, одговарајќи на прашање дали на денешната пленарна седница ќе дадат поддршка на законските измени за овој закон предложени од ВМРО-ДПМНЕ, кажа дека ќе дадат поддршка и оти се согласуваат дека има потреба од носење на такви законски измени.
„Тоа значи да, поддршка, денес се утврдува потребата од носење на такви законски измени, а ние се согласуваме дека има потреба од носење на такви законски измени“, рече Шкријељ.БУГАРИТЕ СЕ БУНАТ ЗА ПЕЈЧИНОВИЌ
На денот кога Македонската православна црква(МПЦ) го прогласи Кирил Пејчиновиќ за светец, на бугарската „Википедија“ тој стана Бугарин. Во интернет- енциклопедијата, доколку изберете бугарски јазик, во неговата биографија ќе прочитате дека тој е бугарски книжевник и просветител, дека го бранел „македонскиот“ идентитет, говорејќи на новобугарски јазик во склоп на својата татковина Бугарија.
Дел до бугарските историчари се јавија со обвинувања. Професорот на Факултетот по историја на Великотрновскиот Универзитет во Бугарија, Пламен Павлов, чинот на канонизирањето на Пејчиновиќ го нарече богохулење, но и прекршување на билатералниот протокол меѓу Македонија и Бугарија.ВЛАДАТА ЧЕКА ОДГОВОР ОД КОНТАКТИТЕ КОИ ИМ ГИ ДАДЕ МИЦКОСКИ
Владата ги чека понудите за гас и мазут од фирмите чии контакти ги даде претседателот на ВМРО-ДПМНЕ, Христијан Мицкоски.
ЧИТАЈТЕ УШТЕ