ФАЛАТ ЗАНАЕТЧИИ: Македонија има потреба од машинци, касапи, бравари

Добивај вести на Viber

Во Македонија недостигаат занаетчии. 

Потребни се 362 машинци, 124 бравари, 80 електричари, 70 касапи. 

Во угостителство и туризам за келнери и готвачи фалат околу 70 лица, во прехранбената индустрија потребата е од хемиски техничари, месари и касапи.

Со години компаниите се соочуваат со недостиг на кадар кој не поседува соодветни вештини и компетенции, а тоа го потврдуваат и 62 отсто од компаниите во анализите што ги прави Стопанската комора. 

Стопанската комора на Македонија ги охрабрува компаниите да се вклучат во создавањето на  сопствениот кадар. 

За ЕВН Македонија е огромен успех и задоволство што првата генерација на проектот 20-20-20 се веќе нивни колеги од септември 2020 година кои успешно ги извршуваат работните задачи.

„Вклучувањето на компаниите во иднина е многу важно и мора соодветно да се подготвени и свесни за сложеноста и инвестициите во процесот на вклучување, а Стопанската комора на Македонија како доверлив и стручен партнер ја игра клучната системска улога во давањето поддршка на компаниите при имплементација на учењето преку работа“, истакна Анета Петровска-Русомароски, раководителка на Одделот човечки ресурси и организација, лидер на проектот 20-20-20. 

Според директорката на Стопанската комора на Македонија, Пеева-Ѓуриќ, претставници од компании, членки на Комората, учествуваа во изработката на образовни програми за изучување на 52 квалификации во четиригодишното образование, за 32 квалификации во тригодишното образование и 1 квалификација за двегодишното стручно образование, а досега преку Комората се обучени и сертифицирани околу 300 ментори од 245 компании.