ФАТЕН УБИЕЦОТ НА ЖЕНАТА ВО КАВАДАРЦИ - лицето е веќе во притвор

Добивај вести на Viber

Жител на Кавадарци кој има 42 години е уапсен под сомениние дека ја убил 52 годишната С.С.С. исто така од Кавадарци, која ја пронајде нејзината ќерка мртва во домот. 

Како што информираат од Министерството за внатрешни работи, убиството е што се случи на 22 јануари во Кавадарци е рачистено, а осомничениот е приведен.

- На 30 јануари во Кавадарци, полициски службеници од ОВР Кавадарци го лишиле од слобода И.П.(42) од Кавадарци. 

Тој се сомничи дека на 22 јануари во нејзиниот дом со гушење ја убил неговата партнерка С.С.С.(52) од Кавадарци. 

Починатата беше пронајдена од нејзината ќерка Д.Т., која веднаш го пријавила настанот во полициска станица - соопштуваат од МВР. 

Оттаму додаваат дека, по преземени мерки од полициски службеници од СВР Велес - ОВР Кавадарци и Одделот за криминалистичка полиција - Сектор за општ и насилен криминал при МВР и по извршени вештачења и анализи во координација со ОЈО Кавадарци, обезбедени се докази и дојдено е до сознание дека И.П. го сторил делото.

- ОВР Кавадарци против него поднесе кривична пријава по член 123 од Кривичниот законик - „убиство“, а судија на претходна постапка од Основен суд Кавадарци му определи мерка притвор од 30 дена и И.П. е спроведен во Казнено – поправната установа Затвор Гевгелија за издржување на мерката притвор - информираат од МВР.