Филип Морис разочара и ги повлече акциите на целиот сектор

Добивај вести на Viber

Акциите на компанијата опаднаа за 16 отсто, откако имаше предупредување дека воведувањето на алтернативите за пушење ќе потрае подолго време, пишува бугарски Капитал. 

Гигантот на цигари, Филип Морис ги „заниша“ своите инвеститори откако предупреди дека наметнувањето на алтернативни уреди за пушење може да потрае повеќе време. Акциите на компанијата паднаа за 16 отсто во четвртокот, најлошиот ден за компанијата од 2008 година. Вкупниот износ од 24,5 милијарди долари беше избришан од пазарната капитализација на Филип Морис, при што компанијата ги влече своите конкуренти во индустријата. Бритиш Американ Тобакон загуби 5,4% од својата вредност, додека Алтрија објави 6% пад на неговата вредност.

Многу традиционални пушачи се насочуваат кон електронските цигари, а самите компании за цигари се обидуваат да ги наметнат побрзо на пазарот новите технологии, за да помине побрзо транзицијата и да се направи мост кон новиот извор на приходи. Резултатите на Филип Морис, објавени во вторникот покажуваат дека стратегијата на фирмата не е особено успешна, особено во земји како Јапонија, каде што компанијата смета дека има големи можности за раст. Земјата стана една од најконкурентните пазари за тутунски компании кои сакаат да ги заменат традиционалните цигари со нови технологии.

Инвеститорите го прифатија тешко извештајот на Филип Морис, иако компанијата практично објави дека продала двапати повеќе електронски цигари, во споредба со минатата година. Во Источна Азија и Австралија, каде што компанијата има продадено 7.3 милијарди филтри за електронски цигари, со 4 милијарди помалку отколку очекувањата на аналитичарите од Cowen & Company.

Андре Каланцопулос, извршен директор на Филип Морис, призна дека продажбата во Јапонија расте "побавно отколку што првично очекувале". Тој додаде дека компанијата веќе го достигна поконзервативен дел од пушачите, и оваа демографија може да бара повеќе време за да се наметне технологијата.