ФОКУС НА ДЕНОТ: Јасна Мандиќ даде исказ, Ременски не видела докази, а Македонија се гуши од магла и ПМ честички

Добивај вести на Viber

Јасна Мандиќ, потпретседателката на невладината организација „Меѓународен сојуз“ на Бојан Јовановски, денеска е првата осомничена која веќе даде исказ за продолжената истрага во случајот „Рекет“ во Обвинителството за организиран криминал и корупција.

Таа беше донесена со полициска придружба, бидејќи е во куќен притвор. Според информациите од Обвинителството исказ утре треба дфа даде и потпретседателката на Собранието, Фросина Ременски, како почесен претседател на Меѓународен сојуз.

Бојан Јовановски, неговиот татко Миле Јовановски и асистентката Христина Блажевска исказ треба да дадат во петок.

Видела сè, освен докази. Ова го кажа пратеничката од СДСМ, Фросина Ременски денеска по излегувањето од Обвинителството за организиран криминал и корупција, каде вршеше увид на доказниот материјал против неа за случајот со „Меѓународниот сојуз“. 

Ременски изјави  дека немало нејзин потпис на ниту еден документ доставен како доказ во Обвинителството.

Ременски беше почесна потпретседателка на невладината, а нејзин претседател беше Бојан Јовановски, Боки 13, кој е обвинет и во случајот „Рекет“, за барање поткуп. 

Најголема концентрација на ПМ честички попладнево има во Тетово и Битола. 

161 ПМ на 100 микрограми, покажува апликацијата Мој воздух за Тетово. Ова е податок од 16 часот попладнево. Во Битола на дел од мерните места има 50, а на други и до 190 ПМ честички. 

Мерните станици покажуваат дека во овие македонски градови моментално воздухот е најзагаден. 

Потоа следат делови од Скопје, додека Куманово е нешто помалку загадено. 

Маглата која го покри главниот град Скопје и околината, откажа дел од полетувањата, како и сите слетувања на меѓународниот аеродром Скопје.

Ситуацијата во правосудството не е така лоша. Постојат и други начини правосудството да се подобри, пред сѐ, од внатре, смета евроамбасадорот Самуел Жбогар. Тој денеска рече дека не гледа потреба за ветинг на судии и обвинители во овој момент. 

Од денеска па најмногу во наредните пет дена народните избраници треба да го кажат конечниот збор за најважниот емкономски документ - буџетот за идната година.

Од стартот на идната година законот ќе стапи на сила, но граѓаните и компаниите уште не знаат колкави ќе бидат даночните стапки и на кои видови возила. 

Нотарите и извршителите се многу доходовни занимања. Нивните профитни маргини (добивка пред оданочување како дел од приход) не паѓаат под 30 отсто, а одат до безобразни 76 отсто. 

Речиси двојно помалку од испитаните стопанственици во рамките на проектот на УСАИД „Партнерство за подобра бизнис-регулатива“ пријавиле дека во 2019 добиле двојно помалку глоби од страна на инспекторите во однос на четири години претходно.