ФОКУС НА ДЕНОТ: Трагедија ја потресе Македонија, но и непотизам
Објавено во: Македонија 13 Февруари, 2019
Министерот за здравство, Венко Филипче вечерва изјави дека во „8 септември“ се примени 25 пациенти, од кои 3 се полесно повредени, 4 се на интензивна нега, и 2 се за хируршка интервенција.
Во Ургентен се примени 5, од кои 3 се со полесни повреди, а еден е за операција, и последниот е во загрозувачка животна состојба.
„Вкупниот број на загинати лица е 13“, вели Филипче.
Седум се починати на лице место, кажа министерот.Meштаните кои живеат во близина на автопатот Скопје - Тетово со приватни возила превезувале повредени, од превртениот автобус.
Тие велат дека не виделе деца во автобусот. Според нив се работело за возрасни кои имале повреди. Раскажаа дека предмети имало расфрлано насекаде од патниците.Ќе се проверува дали има непотизам во одредени вработувања кои деновиве беа актуелни во јавноста.
Државната комисија за спречување на корупција (ДКСК) ќе отвори постапки за непотизам за последните вработувања на роднини блиски до функционери.
Претседателката Билјана Ивановска на денешната прва седница на Комисијата, рече дека досега до нив не е стигната ниту една преставка.Институциите кои во своето име имаат македонска, македонско имаат рок од четири месеци да го променат името, изјави денеска портпаролот на Владата, Миле Бошњаковски.