„Ford Fiesta“ го надмина „Golf“ по продажба
Објавено во: Мои пари 02 Мај, 2017
„Ford Fiesta“ е најпродаваниот автомобил во Европа во март оваа година, соопштуваат од компанијата „JATO Dynamics“.Статистиката на оваа компанија покажува дека Ford продал 47.263 Fiesta возила, односно 468 коли повеќе одвторопласираниот „Golf“.
Компанијата потврдува дека „Volkswagen Golf“, за прв пат по седум години, ја губи оваа титула и ја отстапува на Фордовата „Fiesta“.
„За прв пат по седум години, Volkswagen Golf ја загуби лидерската позиција и Ford Fiesta стана најпродаваниот автомобил во Европа. Постојат неколку причини зад оваа промена. Една од нив е тоа што Golf, како бренд на Volkswagen, се соочува со природно затишје во продажбата, додека Ford настапи со поагресивна програма. Исто така, падот се должи и на намалениот интерес за дизел возила во Европа“, вели глобалниот аналитичар во JATO Dynamics, Фелипе Муноз.
Освен ова, од компанијата наведуваат дека Европа станува вториот по сила пазар за автомобили по Кина, надминувајќи ги САД. Во март 2017 година, во Европа биле регистрирани рекордни 1.93 милиони нови автомобили или речиси 11% повеќе во однос на истиот период минатата година. Најголемо зголемување на бројот на нови регистрации било забележано во Германија, Италија и во Шпанија. Во САД се продадени 1.5 милиони автомобили.
Повеќе информации на линк: http://www.just-auto.com/news/ford-fiesta-knocks-vw-golf-off-europe-top-seller-perch_id176231.aspx