(ФОТО) НАПАД НА КОПТИТЕ ВО КАИРО: Загинаа над 10 луѓе
Објавено во: Свет 29 Декември, 2017
Министерство за здравство на Египет соопшти дека најмалку десет луѓе се убиени во денешен напад врз коптска православна црква во близина на Каиро, а меѓу жртвите е и напаѓачот.
Безбедносниот персонал го убил напаѓачот, откако ранил петмина чувари пред да се обиде да влезе во црквата „Мармина“ во градот Хелван, јужно од Каиро. Египетската државна телевизија известува дека вториот напаѓач избегал од местото на нападот, но дека подоцна е уапсен. Засега ниту една група не ја презеде одговорноста за нападот, но џихадистичката група „Исламската држава“ изминатата година неколку пати извршуваше напади врз коптски православни христијани. Коптските православни христијани се околу десет проценти од вкупното население на Египет од над 93 милиони жители. Во неколку наврати годинава имаше напади на верски објекти на христијаните.