(ФОТО) СОЛЗИ И ЕМОЦИИ: Фудбалерите не ја кријат тагата за Пандев, Гранде за последен пат
Објавено во: Македонија 21 Јуни, 2021
Македонската фудбалскаа репрезентација днеска го игра натпреварот со тимот на Холандија во првата фаза од Европското првенство во фудбал, кој за нашите е последен. Но овој меч е еден со големи емоции не само затоа што ја заокружува големата приказна и настапот на оваа генерација фудбалери на едно вакво натпреварување за прв пат во историјата, туку и по тоа што ќе биде последен за легендата на македонскиот фудбал, за капитенот Горан Пандев. Тој најави вчера дека денеска ќе одигра со љубов како секогаш, максимално посветено и смирено, ама за последен пат.
Македонската јавност но и самите негови колеги со многу емоции ја примија веста. Денеска дел од фудбалерите се посебно емотивни. Стефан Ристовски не можеше да ги сокрие и солзите. Колку силина, колкава човечност, срце. Таа ќе се огледа и на теренот. Натпреварот кој се игра во Холандија е во 18 часот.
Пандев цели 20 години го носи дресот на нашата репрезентација и е играч со најмногу настапи за националниот тим (121) притоа постигнувајќи 38 погодоци.